رئيس مجلس الادارة: رشا الشامي
رئيس التحرير: أسامة الشاذلي

همتك معانا نعدل الكفة
940   مشاهدة  

“أصله كان محترم ومش باين عليه”.. كيف تتخلص النساء من خوازيق الـ”خ م”؟

طبيب المنصورة
  • صحافي مصري شاب مهتم بالتحقيقات الإنسانية و الاجتماعية و السياسية عمل في مواقع صحافية محلية و دولية عدّة

    كاتب فضي له اكثر من 250+ مقال



أصله محترم ومش باين عليه، كنت هعرف منين؟ هذا ما وقعن فيه 4 من السيدات بسبب طبيب المنصورة شخصية من الصعب اكتشافها لاعتبارات عاطفية بحتة من الفتيات فعندما يقعن في فخ الكذب والخيانة من الرجل خاصة  عندما يكون الذكر قادراً على الخداع والتلاعب ذهنياً بالآخرين بغية الحصول على ما يريده  ولا يظهر على جوهره في التعامل الاجتماعي أي شيء.

” فخ الـ خ م” 

هذا ما وقعت فيه الطبيبة رهف تاج الدين بعد كتب كتابها من طبيب يدعى «خ. م» أنه على علاقة بثلاث سيدات في آن واحد دون علمها  حيث اكتشفت أنه متزوج منذ فترة وزوجته حامل، وأنه في علاقة حب مع ثالثة والرابعة خطيبته ما أثار حالة من الغضب بسبب الطبيب المخادع على مواقع التواصل الاجتماعي في الساعات الماضية.


من هو السيكوباتي 

يعلق الدكتور جمال فرويز أستاذ الطب النفسي عن واقعة طبيب المنصورة قائلًا: هذه هي الشخصية السيكوباتية الراجل السيكوباتي نوعين وده بيروح للسرقة والمخدرات والنصب وده بيكون باين عليه لكن السيكوباتي المتصاعد ده الأخطر على المجتمع هو عارف من أين تؤكل الكتف وبيبان في صورة الهادئ الرزين والطيب اللطيف وصعب يعمل حاجة ملفتة وشكله محترم لدرجة ان الناس هي اللي عايزة تروح تتعامل معاه.


ويضيف في تصريحات خاصة للميزان:هتلاقيه في التعاملات كلامه منسق جدًا وشخص مهذب وواضح وشخص طبيعي وأكثر من الطبيعي لكن في الواقع يكون سيكوباتي ورغم أن هذه الشخصية صعبة الاكتشاف لكن البنات يستطعن اكتشاف الأمر فهناك علامات زي أنه يحاول يطلب منها حاجة وعلينا أن نضع أنفسنا في مكان الطبيبة الضحية.


وفي حالة طبيب المنصورة تابع أستاذ الطب النفسي: لو في عريس متقدم لبنتي أو لأختي لازم أسأل عنه كويس علشان العلامات دي تبان وتظهر وهنا حدث تقصير من الأهل في السؤال فتلك الرجل متزوج وخاطب وعلى علاقة حب فكيف حدث ذلك وعلى جانب أخر بعض الفتيان يلاحظن علامات ويتغاضين عنها.

الدكتور جمال فرويز
الدكتور جمال فرويز

وعلقت الطبيبة رهف على الأمر الذي أثار جدلًا واسعًا على مواقع التواصل الاجتماعي حول طبيب المنصورة المزواج قائلة:البوست الأخير ليا هنا بخصوص الموضوع، وهاخد أجازة من هنا علشان الموضوع بقى صعب عليا وضاغطني بشكل لا يحتمل، جايز يكون اللي حواليا وغضبانين علشاني مبسوطين بالتريند علشان يكون الموضوع عبرة وتوعية، وأنا المفروض أكون قوية وأنا هكون قوية وهعدي الأزمة بس محتاجة أرتاح وأبعد عن الضغط ده.

عزيزتي رضوى الشربيني .. احترام وأمنيات كثيرة

 

أنا مشفتش أي حاجة وحشة منه

وأضافت من خلال منشور على حسابها الشخصي بموقع فيسبوك عن طبيب المنصورة :أنا ما شوفتش أي حاجة وحشة بالعكس كان شخص داعم جدًا وواقف معايا وورايا في كل خطوة باخدها تخصني وتخص كاريري، أنا اتكتب كتابي وكنت فرحانة بكل تفاصيله ولسه الناس بتباركلى وأنام وأصحى على إن أبويا كشف ببطاقته في السجل المدني بعد ما وصله كلام وفعلًا لقي قسيمته تخيلوا كنت ماسكة القسيمة في إيدي وما  شكتش فيه بالعكس قلت دي أكيد مؤامرة عليه، وفضل يومين من بعدها يكدب عليا ويسرح بيا وإنه ميعرفش طلعت إزاي، ووسط ما كل أهلي قاعدين يتهموه كنت واقفة بدافع عنه قدامهم.

ضحية طبيب المنصورة
ضحية طبيب المنصورة

 

شغلي في الميك أب كشف الحقيقة

 وتابعت :اللي فضح الدنيا إني معروفة إلى حد ما بسبب شغل الميك اب فالبنت التالتة وصلتلي وبعتت لكل اخواتي ومن هنا انكشف كل حاجة. وجوازته اتعرفت بسبب خبر كتب كتابي اللي بابا كتبه عنده فاصحاب الشقة اللي متجوز فيها اصلا صحاب بابا وعرفوه واتأكدنا من السجل المدني وان القسيمة طالعة بعد شهر من خطوبتي!. 

إقرأ أيضا
التاريخ

 

كان رواد موقع التواصل الاجتماعي «تويتر» أطلقوا هاشتاجا تحت عنوان #يوميات_خ_م يهاجمون فيه أحد الأطباء بالمنصورة وقد ارتبط بزميلة له لمدة 4 سنوات، وأثناء عقد قرانهما  تفاجأت لحظة توثيق القسيمة بأنه متزوج من أخرى وحامل منه، وبعد تداول اسمه على مواقع التواصل الاجتماعية تبين وجود خطيبة وحبيبة ليصبح عدد المخدوعات 4.

 

الكاتب

  • طبيب المنصورة أحمد الأمير

    صحافي مصري شاب مهتم بالتحقيقات الإنسانية و الاجتماعية و السياسية عمل في مواقع صحافية محلية و دولية عدّة

    كاتب فضي له اكثر من 250+ مقال






ما هو انطباعك؟
أحببته
0
أحزنني
0
أعجبني
0
أغضبني
0
هاهاها
0
واااو
1


Slide
Slide
Slide
Slide
Slide
Slide
‫إظهار التعليقات (2)

أكتب تعليقك

Your email address will not be published.







حقوق الملكية والتشغيل © 2022   كافه الحقوق محفوظة
موقع إلكتروني متخصص .. يلقي حجرا في مياه راكدة

error: © غير مسموح , حقوق النشر محفوظة لـ الميزان