تقرأ الآن
ماذا لو التقى الرئيس عبدالفتاح السيسي مع حسن البنا مرشد الإخوان ؟ “حوار تخيلي بعد يوم 20 سبتمبر”

رئيس مجلس الادارة: رشا الشامي
رئيس التحرير: أسامة الشاذلي

همتك معانا نعدل الكفة
556   مشاهدة  

ماذا لو التقى الرئيس عبدالفتاح السيسي مع حسن البنا مرشد الإخوان ؟ “حوار تخيلي بعد يوم 20 سبتمبر”

الرئيس عبدالفتاح السيسي

  • باحث في التاريخ .. عمل كاتبًا للتقارير التاريخية النوعية في عددٍ من المواقع

  • باحث في التاريخ .. عمل كاتبًا للتقارير التاريخية النوعية في عددٍ من المواقع


الموعد | ليلاً في اللازمان
المكان | حي الأزهر

أمام الجامع الأزهر وقف الرئيس عبدالفتاح السيسي وأعطى ظهره لمدخل المسجد وأطل على النفق ثم تحركات عيناه صوب منطقة الحسين شاردًا في مسقط رأسه، ليرمق النفق بنظرة متفحصة حين يطل طربوش حسن البنا مرشد الإخوان، ويصعد المرشد درجات السلم حتى يرى السيسي واقف أمامه والاثنين في تحفزٍ من بعضهما، غير أن مرشد الإخوان أكثر.

تفحص حسن البنا ملامح السيسي وقال له:
ـــ إنت بقا اللي استأصلت شأفة الإخوان من مصر ؟.
ـــ مقدرش أقلك إني لغيت وجودهم بس أقدر أقلك إني الكابوس اللي جا في وسط حلمهم السريع.
ـــ منطقة الأزهر غالية عليا.. أنا طلعت من هنا بمظاهرة فيها نص مليون ضد إسرائيل سنة 48.
ــــ دا عشان تداري على حادثة اغتيال الخازندار ؟.

تأفف حسن البنا مرشد الإخواخ فابتسم الرئيس عبدالفتاح السيسي وقال:
ـــ بحكم إني رئيس فيه سؤال أنا مش لاقي له إجابة بخصوصكم.
ـــ إيه هو بقا ؟.
ـــ هو إنتو كـ إخوان إيه حكايتكم مع اليهود ؟.

يتهلل وجه حسن البنا ويهم بالإجابة ليكمل الرئيس عبدالفتاح السيسي سؤاله:
ـــ أصلكم يا أستاذ حسن مع أي حد تاخدوه عدو .. لازم تلبسوا نسبه في اليهود، يعني النقراشي قولتوا إنكم قتلتوه لإن موقفه من اليهود مايع، ومع عبدالناصر قولتوا إن أبوه اتجوز واحدة لها أصول يهودية وابنها يبقى إيلي كوهين، وأنا طلعتوا عليا إن أمي يهودية، فأنا مش فاهم إزاي بتكرروا نفس الكدبة ؟.
ـــ طب ما انت السبب إنهم طلعوا عليا إني ماسوني وجذوري يهودية مغربية.
ـــ أنا ؟!!!
ـــ مش انت الرئيس ؟ يعني مسؤول عن الإعلام .. إعلامك قال كدة.

ضرب السيسي كفًا على كف وضحك وقال:
ـــ بقا انت خليت كدابين الزفة هم الناطقين بلساني كرئيس دولة.
ـــ مش انت الرئيس برضه ؟.
ـــ فكرة إن أنا في عهدي كـ رئيس طلعت عليك كدبة إن أصلك يهودي .. دا وهم، وهقلك ليه.

يقاطع حسن البنا فيقول السيسي له:
ـــ من فضلك لو سمحت …
ـــ اتفضل.
ـــ أول واحد قال عليك إنك يهودي مغربي كان عباس العقاد في مقال له وقبل ما تموت بشهر، يعني مش اختراع عهدي
هتقلي العقاد كداب هقلك نفس الإعلام اللي في عهدي برضه قال إن العقاد كداب في الجزئية دي.

صمت البنا فابتسم السيسي وقال:
ـــ وبعدين انت مين قالك إني شغلي هو التلسين ؟
أنا كرئيس دولة وإنتو كإخوان شغلنا مش الكلام، إحنا شغلنا فعل، فخلينا في الفعل وقلي ليه بتكرروا نفس الكدبة ؟.

ابتسم حسن البنا وقال:
ـــ انت عارف مصدر وجودنا إيه ؟.
ــ الدين
ـــ الدين دا سلعة متطورة غير مُسْتَهْلَكَة، فيه الأقوى.
ــ اللي هو ؟.
ـــ ذاكرة الناس السمكية، الإخوان أموات طول ما الناس فاكرة، لكن لما الناس تنسى إحنا نعيش.
ـــ آه .. يعني تكرار نفس التصرفات مبني على الذاكرة السمكية.
ــ بالظبط.

صمت سريع ثم ينظر حسن البنا إلى السيسي نظرة عشم ويسأله:
ـــ فيه أمل إن الإخوان يرجعوا يا ريس ؟.
ـــ أنا قولت طول ما أنا رئيس مافيش وجود لهم.
ـــ طب ما تيجي أقنعك بحاجة تخليك تغير موقفك منهم.
ـــ اللي هي ؟.
ــ انت قولت دول ناس مش عايزين يعيشوا بفكرهم بس.
ــ مظبوط.
ــ خلاص يعيشوا بفكرهم وانت لا تُثْقِل عليهم ويفتحوا صفحة جديدة.
ـــ ولون الصفحة إيه ؟
ـــ يسيبوا الفكر القطبي ويتعاملوا بالفكر البناوي.

ابتسم السيسي وهو ينظر لـ حسن البنا وقال:
ـــ أستاذ حسن .. هو انت فاكرني إسماعيل صدقي هتضحك عليا ؟.
ـــ إشمعنى ؟.
ـــ فكر بناوي إيه يا راجل .. وهو التنظيم السري في الأربعينيات مين عمله ؟ حسن البنا ولا حسن فايق ؟
بلاش نلف وندور على بعض يا أستاذ حسن .. البنا وقطب زي السيل والبركان.. كلهم دمار بس بأشكال مختلفة.

ـــ انت مش قادر تقتنع بإن الإخوان عندهم وفاء للجماعة.

ضحك السيسي بقهقهة وقال:
ـــ وفاء للجماعة !! .. دول مفكروش يرمموا قبرك ويزوروه لما وصلوا لمرحلة الحكم اللي تخليهم يحققوا مبادئ أستاذية العالم.
ـــ مش ذنبي إن الجيل الحالي للجماعة غبي.
ـــ بس ذنبك يا شيخ حسن إنك مسألتش عن البلد بعد ما الجماعة مشيت.
ـــ الأحوال هيكون فيها صلاح لما تحصل مصالحة.

إقرأ أيضا
عالم الحيوان

لَوَّى السيسي رأسه يمينًا ويسارًا في ابتسامة بها استياء وقال:
ـــ طب ما تخطف رجلك لحد جمال عبدالناصر وتسأله هو لما اتصالح مع اللي حاولوا يقتلوه عملوا إيه بعد المصالحة بشهرين .. أنا أقلك .. محاولوش يكرروا قتله وبس لا .. دول حاولوا يأذوا البلد كلها بنسف القناطر وأكشاك الكهرباء والسكة الحديد.

جز حسن البنا على أسنانه ثم تماسك وادعى الثبات الانفعالي وقال:
ـــ بس إحنا لنا كروت كتير ترجعنا.
ـــ دا تهديد ؟.
ــ لا .. معلومة.
ــ وأنا هديك نصيحة بخصوص كروت الرجوع دي.

انتبه حسن البنا ووقف السيسي أمامه وقال:
ـــ لما تختاروا كروت الرجوع .. استنضفوا شوية في اختيارتكم.
ـــ مش فاهم ؟.
ـــ أفهمك.
ـــ قول.

شرد السيسي سريعًا وقال:
ـــ قبل ما آخد الماجستير من كلية القادة والأركان بـ 3 سنين، عمري ما أنسى سيرالية سياسية حصلت في مصر .. لما الإخوان تحالفوا مع الوفد، تخيل بقا .. فؤاد سراج الدين اللي سجنكم بقي هو الحضن ليكم.
ـــ آه يعني نتعامل معاك انت ؟.
ـــ لا حول ولا قوة إلا بالله .. يا أستاذ افهم بقا.

انتبه حسن البنا أكثر وقال السيسي:
ـــ يعني لما تيجوا تفكروا تهزوا نظامي .. مترمرموش .. خليكم كدة ناس بروفشنال في اختيارتكم وفي الحرب الإعلامية اللي تعملوها .. ودي عايزالها سنين عشان تحققوها.
ـــ وخلال السنين دي البلد هتبقى سعيدة ؟.
ـــ مين قال إني هدفي هو إن مصر تبقى سعيدة ؟ أنا هدفي تكون قوية .. بس أحب عدوها يكون قوي .. عشان بصراحة هههههههه شكلها وحش أوي لما مصر تنزل لمستوى …….
يصمت السيسي ويشير بالسبابة والوسطى على شفتيه في كناية وتعبير لجملة (شكلها وحش أوي لما مصر تنزل لمستوى ناس محششة).

الكاتب

  • باحث في التاريخ .. عمل كاتبًا للتقارير التاريخية النوعية في عددٍ من المواقع

Content Protection by DMCA.com

ما هو انطباعك؟
أحببته
3
أحزنني
0
أعجبني
4
أغضبني
0
هاهاها
1
واااو
0
Slide
Slide
Slide
Slide
Slide


‫إظهار التعليقات (0)

أكتب تعليقك

Your email address will not be published.

حقوق الملكية والتشغيل © 2021, كافه الحقوق محفوظة

error: © غير مسموح , حقوق النشر محفوظة لـ الميزان