خطوات أهم من التفاوض مع اللصوص .. لو سيارتك اتسرقت تعمل ايه؟

في العادي لما بتتسرق سيارتك مش لازم تكون ضيف عند اللصوص وتروح تقابلهم ومعاك مبلغ مالي ده بيعرضك اكتر للخطر  وأول حاجة تفكر فيها التفاوض وهو العرف السائد فيما يخص سرقة السيارات من المعروف عن اغلب المصريين سواء سياراتهم المملوكة لهم بشكل شخصي أو اللي بتكون مصدر أساسي لعيشهم بالمعنى الدارج ( شغالين عليها) اختيارهم لعمل التفاوض مع اللصوص.

بص يا سيدي اهم حاجة تعمل محضر ومتسمعش كلام حد يقولك الشرطة مش هتعملك حاجة ده كلام مش صحيح اعمل محضر بسرعة واحفظ رقمه وخليك معاك وبعدين اتوجه لمباحث المرور في منطقتك لان المباحث بيعملوا حاجة مهمة جدا وهي اشارات النشر يعني نشر معلومات وبيانات كاملة عن سيارك موديل ولون وعلامات معينة وبالتالي هتنشر على كل اجهزة الكمبيوتر ومع وقوفها في اي تمركز أمني هيتم فحصها وهيتم التعرف عليها من رجال المرور.

موديل 83 لسة ع الزيرو .. عن نوستالجيا السيارات القديمة في مصر !

مهم جدا انك تروح للنيابة العامة وتقدم طلب إلى وكيل النيابة انك تحصل على حاجة اسمها جواب للمرور طب جواب المرور ده ده أهميته ايه؟ ده بيقوف التعامل والتصرف في السيارة زي بيعها في حالة انك سايب الرخصة فيها وده بيسهل كتير على اللصوص انهم يتخلصوا منها خاصة اذا قابلهم زبون حسن النية وبعمل توكيل صغير هيعمل رخصة باسمه في الحالة دي الموضوع بيتصعب اكتر خاصة اذا اللصوص من مكان مهمش بعيد في الحالة دي جواب المرور بيضمنلك حق السيارة حتى لو المشتري من اللصوص كان معاه رخصة باسمه وفي الحالة دي لازم تسيب رقمك تليفونك للمرور علشان يتواصلوا معاك.

سكودا 2021 الكهربائية .. تعرف على تفاصيلها بالكامل و سعرها بالمصري

في حالة ان سيارتك فيها جهاز GBS لو ظهرت في مكان معين اعمل محضر بأقصى سرعة غير الاولاني قبل ما تتحرك من مكانها غفي الحالة دي انت بتساعد رجال الشرطة انهم يرجعوا عربيتك بعد عمل ضبطية وسرقة السيارة هي جنحة بتصل ل3 سنوات حبس يعني متفرطش في حقك وتتنازل عن المحضر ضد السارق.

لو انت لسة ناوي تجيب سيارة وعندك وسواس السرقة اطمن في الموضوع ده هتلاقي معلومات عن أجهزة وانظمة هتساعدك وتحميك بشكل كبير من تعرضها لا قدر الله للسرقة وخد بالك من السماسرة الوهميين بداعي التفاوض  ودول ناس بيعرفوا ان سيارتك اتسرقت وبيطلبوا منك مبلغ مالي وسيارتك مبترجعش.