رئيس مجلس الادارة: رشا الشامي
رئيس التحرير: أسامة الشاذلي

همتك معانا نعدل الكفة
409   مشاهدة  

شغل عالي .. شغل لايت

شغل عالي
  • شاعر عامية وقاص مصري مهتم بالشأن النوبي ونقد الخطاب الديني

    كاتب فضي له اكثر من 250+ مقال



شغل عالي مسلسل لايت الحدوتة بتاعته واضحة من قبل أول مشهد فيه، تحديدًا من أغنية تتر البداية اللي شارح فيها حسين محرم المسلسل ومترجم طريقة التناول في كلماته الخفيفة المسلية.

العمل بطولة نجمتين محبوبتين جدًا وليهم شعبية عالية جدًا.. أنا عن نفسي واحد من جمهور الأتنين، رغم قدراتهم التمثيلية الضعيفة جدًا جدًا اللي تبان بسهولة في مشهد الفلاش باك التعريفي بأول مقابلة بينهم، بس الميزة الجميلة أن الأتنين مناسبين تمامًا لشخصياتهم البرنسيسة جليلة حداقة.. فيفي عبده والهانم شيرويت الأناضولي.. شرين رضا.

شغل عالي

بشكل عام المؤلف، حسين مصطفى محرم، عامل شغل يبدو من أول حلقة إنه كويس.. كوميدية خفيفة معتمدة بشكل أساسي ع المواقف وعلى رسم بعض الشخصيات بشكل كاريكاتيري “بدون ابتزال” زي إبراهيم هولمز أو فتيحة والعلاقات بين الشخصيات.. زي مثلًا ثنائية البرنسيسة-مرجان بمستوى تعليمهم المتدني، مع تقليل الاعتماد ع الإيفيهات والاستظراف، أتمنى تكمل على خير.

شغل عالي

حدوتة المسلسل، زي ما واضح لأي حد شاف الحلقة، قايمة على جوز ستات عاملين مؤسسة نصب واحتيال على الرجالة.. ينقوا الضحية الغنية من دول وواحدة من الأتنين تدخل حياته توقعه فيها فيحبها يتجوزها، تفضل على ذمته لحد ما تقشطه وكل حي يروح لحاله، وهي قماشة مرنة ومرحة يطلع منها شغل عالي فعلًا.

فماظنش هيبقى فيه تفاصيل كتير للكتابة عنها أبعد من الإشادة باختيار الشخصيات.. زي حالة البطلتين، أو انتقاد حالة استظراف دخيلة على كوميدية الموقف المرسومة كويس.. زي مشهد استعداد المساعدين لبداية الرحلة إلى بيت د. سفيان، أو مشهد متطلسأ في الكتابة أو في التمثيل زي مشهد محل الملابس اللي بيتشرح فيه أن المحل برفان للنشاط الحقيقي.

شغل عالي

ده جنب متابعة سيناريو كل عملية ومدى منطقيته وإنضباط تفاصيله، فأشكر مثلًا في مكالمة د. سفيان مع زميله د. عبد الودود.. وذكر مصطلحات وتفاصيل علمية طفيفة أه لكن سليمة وليها علاقة ببعض فعلًا.. “الإضمحلال النووي” ونظرية أنتوني هنري، وهي تفصيلة تحترم خصوصا وأن أغلب اللي بيكتبوا دراما حدانا بيتعاملوا باستخفاف مع التفاصيل دي، بالذات بقى لو العمل كوميدي.. بيعتبروا أن معاهم رخصة للهبد.

شغل عالي

إقرأ أيضا
أفريقيا

بس طبعًا هيكون فيه سقطات زي اللي حصلت في حوار فارس مع كريم، بعد ما كريم استلم الشغل وبدء يكتب أول اسكريبت له، هنا حصل خلل في الحوار ماينفعش يعدي.. مهمة كريم هي كتابة سيناريو محكم مش توفير معلومات، فسؤاله عن أي فاعلية وارد يشارك فيها د. سفيان هو سؤال منطقي جدا.. ودور فارس إنها تقدم كل المعلومات الممكنة للمؤلف عشان يقدر يكتب سيناريو محبوك.

شغل عالي

على كل حال.. البداية تبشر بعمل مُسلي ولذيذ، أتمنى تكون أخطاءه محدودة والمتعة فيه كتير.

الكاتب

  • شغل عالي رامي يحيى

    شاعر عامية وقاص مصري مهتم بالشأن النوبي ونقد الخطاب الديني

    كاتب فضي له اكثر من 250+ مقال






ما هو انطباعك؟
أحببته
1
أحزنني
0
أعجبني
0
أغضبني
0
هاهاها
0
واااو
0


Slide
Slide
Slide
Slide
Slide
Slide
‫إظهار التعليقات (2)

أكتب تعليقك

Your email address will not be published.







حقوق الملكية والتشغيل © 2022   كافه الحقوق محفوظة
موقع إلكتروني متخصص .. يلقي حجرا في مياه راكدة

error: © غير مسموح , حقوق النشر محفوظة لـ الميزان