رئيس مجلس الادارة: رشا الشامي
رئيس التحرير: أسامة الشاذلي

همتك معانا نعدل الكفة
238   مشاهدة  

مـسـلـسـل الـنـمـر .. تطورات هيستيرية في الحلقات الأخرانية

  • شاعر عامية وقاص مصري مهتم بالشأن النوبي وتجديد الخطاب الديني

    كاتب برونزي له اكثر من 100+ مقال


Share

بعد ما كنت بتغنى بالتقسيم الدقيق للدراما على عدد الحلقات في مـسـلـسـل الـنـمـر .. اتصدمت بعكس ده خالص في الحلقتين 28 و 29 ، تصعاد جنوني في الصراع وتحولات عجيبة في الشخصيات.. مش مبنية على تطور في بُنا الشخصية عبر أحداث وتفاعلات منظورة ولا حتى على أحداث فجائية بتطرأ.

اقرأ أيضًا
مسلسل النمر .. تحولات قوية على أسس غير منطقية

علاقة النمر بشمس الحلق.. بقت حب هيولع في الدرة ونحانيح من مدرسة الزفرات الملهلبة، ولا كأنها واحدة من الأربعة اللي كان بيتعلم فيهم النشان، وده متبادل.. فهي كمان بقت روقة في نفسها خالص.

رجل1: بيقولك الخميس الجاي الصاغة هتشوف ليلة.. من ألف ليلة وليلة.

رجل2: كتر الأفراح يا رب.. بس أشمعنى؟

رجل1: فرح حسن ابن عنتر الحلق على ملك بنت الشيمي رضوان

رجل2: الشيمي اللي اتقتل ولسه بيدوروا ع اللي قتله.

رجل1: الله ينور عليك.

رجل: حصل خير.. وألف مبروك.

تاتا تاتاااااااااااااااااا.. هدية تطلع بنت حِنت وعندها خبرة عملية في السوق، وقررت ترجع للملاعب لدعم ولدها، وأنا طيف الزعيم مر على خيالي مرتين.. مرة وأنا باشوف المعركة الانتخابية بين البطل والبطلة، ولما الزومبي عض عامر العقاد فتحول في يوم وليلة بلا مقدمات لخاين، الاستناد على إنه باع الشيمي للنمر مش منطقية.. كانت ع الأقل تبان بمشهد.. لقطة.. نظرة.. أبتسامة.. رُبع نيفة، أي حكاية. إنما تهمش شخصية من الصف التاني فجأة.. ثم فجأة تانية تظهرها مع تحول جذري في مواقفها، ده مش أسمه كلام. لما حصل اللي حصل كان تاني مرور لطيف الزعيم في خيالي.. شوفته في مشهد موت سعيد صالح.. أقصد لما سكلانس خد الطلقة في صدره بدل صاحبه.

إقرأ أيضا
الأديان

خطوة سالي في مـسـلـسـل الـنـمـر متهورة وغير محسوبة وغير منطقية، ورد الفعل عليها مستتر. واحدة علاقتها زي الزفت بطليقها المفتري.. خد بنتها وقتل أبوها وماعرفتش تاخد معاه لا حق ولا باطل، تقوم تروح تسخن عليه في حوار ممكن يوصله لحبل المشنقة؟ ضميرها واجعها أوي.. تقوم تروح الصاغة برجليها مش تعمل تليفون مثلًا. رد فعل الحلق باسترجاع جودي ماحدش عارف حصل أمتى ولا أزاي.

ومن جانبها تتحول ملك إلى فضة المعداوي تقفيل هاي كلاس، تأمر وسرقة وحرق وحاجة أنجولينا جولي ع الأخر، صحيح بيطلع نأبها على شونة.. بس الفتاة نزلت بنفسها ونفذت وحاجة أخر أسترونج اندبندنت وومان أخر مقاس.

علي في مـسـلـسـل الـنـمـر يطلع هو قاتل الشيمي وعقاد يقتل الحاوي.. اللي بنته عايزة تنضم للنمر بأي تمن، تصاعدات كتير موتورة وغير محكمة.. للآسف بتخصم من رصيد العمل، وبتصعب جدًا إجراءات لم الليلة في حلقة واحدة فاضلة.. رقم بقيت شاكك فيه جدًا.

الكاتب

  • رامي يحيى

    شاعر عامية وقاص مصري مهتم بالشأن النوبي وتجديد الخطاب الديني

    كاتب برونزي له اكثر من 100+ مقال

Content Protection by DMCA.com
Share

ما هو انطباعك؟
أحببته
0
أحزنني
0
أعجبني
0
أغضبني
0
هاهاها
0
واااو
0
Slide
Slide
Slide
Slide
Slide


2 تعليقان

أكتب تعليقك

Your email address will not be published.

حقوق الملكية والتشغيل © 2022   كافه الحقوق محفوظة
موقع إلكتروني متخصص .. يلقي حجرا في مياه راكدة

error: © غير مسموح , حقوق النشر محفوظة لـ الميزان