الثوابت الوهمية .. الحجاب في القرآن

الحجاب واحد من أهم المظاهر الدينية في الإسلام.. فهو الزي الرسمي للمرأة المسلمة، والكلام بخصوصه عادة ما يكون في التفاصيل مش في الفكرة نفسها، فتلاقي شيخ يقولك أن الحجاب هو “الطرحة” أو بالمصري “التحجيبة” وشيخ تاني يقول المقصود هو الخمار وغيرهم شايفين أنه النقاب.

ودلوقتي وصلنا أن النقاب على عباية بأكمام يبقى معصية، وأن الزي السليم هو النقاب مع عباية مفصلة بطريقة شوالية تسمى “ملحفة”، كل ده بيدور في أدماغة المسلمين وبيتم دعمه بآراء مسلمين تانيين أقدم، وعلى حسب الوضع العام لكل بلاد بيتم دعم خطاب ورؤية محددة عشان يتسودوا على حساب غيرهم.

فتعالوا نسيبنا من أدمغة الناس وندور في القرآن نفسه، المصدر الرئيسي للتشريع في الإسلام، ياترى القرآن قال إيه عن الحجاب أو الخمار أو النقاب.. المسميات التلاتة المعروفة بالنسبة لنا.

أول اسم معانا هو الحجاب، وكلمة حجاب وردت في القرآن 7 مرات لا غير في الآيات التالية:
(46 الأعراف – 45 الإسراء – 17 مريم – 53 الأحزاب – 32 ص – 5 فصلت – 51 الشورى)، وكلهم مش بمعنى غطاء الرأس، وتعالوا نراجعهم بالنص ونشوف كل آية منهم بتقول إيه.

الأولى: (وَبَيْنَهُمَا حِجَابٌ ۚ وَعَلَى الْأَعْرَافِ رِجَالٌ يَعْرِفُونَ كُلًّا بِسِيمَاهُمْ ۚ وَنَادَوْا أَصْحَابَ الْجَنَّةِ أَن سَلَامٌ عَلَيْكُمْ ۚ لَمْ يَدْخُلُوهَا وَهُمْ يَطْمَعُونَ) وهنا الحجاب بمعنى حاجز فاصل، تحديدًا بين أهل الجنة وأهل النار، وده يقدر أي حد يفهمه بسهولة لو قرا الآية في سياقها.. وهي الآية  46 الأعراف

التانية: هي 45 – الإسراء وبتقول: (وَإِذَا قَرَأْتَ الْقُرْآنَ جَعَلْنَا بَيْنَكَ وَبَيْنَ الَّذِينَ لَا يُؤْمِنُونَ بِالْآخِرَةِ حِجَابًا مَّسْتُورًا) والمقصود من حجاب هنا هو فاصل بين النبي وبين غير المؤمنين.

التالتة: 17- مريم (فَاتَّخَذَتْ مِن دُونِهِمْ حِجَابًا فَأَرْسَلْنَا إِلَيْهَا رُوحَنَا فَتَمَثَّلَ لَهَا بَشَرًا سَوِيًّا)، وهنا المقصود الحاجز أو الساتر بين مريم العذراء وبين أهلها “أهل القرية”، وده تأكيده مش محتاج أكتر من قراية الآية اللي قبلها معاها فيتضح المعنى بسهولة من سياق النص القرآني.

الرابعة: آية 53 الأحزاب وبتقول:(يَا أَيُّهَا الَّذِينَ آمَنُوا لَا تَدْخُلُوا بُيُوتَ النَّبِيِّ إِلَّا أَن يُؤْذَنَ لَكُمْ إِلَىٰ طَعَامٍ غَيْرَ نَاظِرِينَ إِنَاهُ وَلَٰكِنْ إِذَا دُعِيتُمْ فَادْخُلُوا فَإِذَا طَعِمْتُمْ فَانتَشِرُوا وَلَا مُسْتَأْنِسِينَ لِحَدِيثٍۚإِنَّ ذَٰلِكُمْ كَانَ يُؤْذِي النَّبِيَّ فَيَسْتَحْيِي مِنكُمْۖوَاللَّهُ لَا يَسْتَحْيِي مِنَ الْحَقِّۚوَإِذَا سَأَلْتُمُوهُنَّ مَتَاعًا فَاسْأَلُوهُنَّ مِن وَرَاءِ حِجَابٍۚذَٰلِكُمْ أَطْهَرُ لِقُلُوبِكُمْ وَقُلُوبِهِنَّۚوَمَا كَانَ لَكُمْ أَن تُؤْذُوا رَسُولَ اللَّهِ وَلَا أَن تَنكِحُوا أَزْوَاجَهُ مِن بَعْدِهِ أَبَدًاۚإِنَّ ذَٰلِكُمْ كَانَ عِندَ اللَّهِ عَظِيمًا).

والحجاب هنا برضك بمعنى ساتر أو فاصل مش بمعنى رداء، والآية ككل لا تخص عموم المسلمات وإنما تخص زوجات النبي فقط.. والطريقة المثلى لتعامل باقي المسلمين مع النبي ومعاهم في حياة النبي وحتى بعد وفاته، حيث نهت الآية عن الزواج من أرامل النبي.

فيه بعض الأراء بتحاول تقول أن الآية دي ملزمة مش بس لزوجات النبي وإنما كمان لكل المسلمات، وده كلام مش منطقي ويتعارض مع نص الآية اللي بتميز زوجات النبي عن باقي النساء المسلمات بوضوح: (وَمَا كَانَ لَكُمْ أَن تُؤْذُوا رَسُولَ اللَّهِ وَلَا أَن تَنكِحُوا أَزْوَاجَهُ مِن بَعْدِهِ أَبَدًا)، هل فيه أي نهي عن الزواج من الأرامل والمطلقات “إلا أرملة أو مطلقة الأب”؟؟، كمان فيه أكتر من موضع تاني في القرآن بيأكد على وجود وضعية خاصة لزوجات/لنساء النبي.. زي مثلًا الآية 30 الأحزاب: (يَا نِسَاءَ النَّبِيِّ مَن يَأْتِ مِنكُنَّ بِفَاحِشَةٍ مُّبَيِّنَةٍ يُضَاعَفْ لَهَا الْعَذَابُ ضِعْفَيْنِۚوَكَانَ ذَٰلِكَ عَلَى اللَّهِ يَسِيرًا)، وفي نفس السورة برضه آية 32: (يَا نِسَاءَ النَّبِيِّ لَسْتُنَّ كَأَحَدٍ مِّنَ النِّسَاءِ ۚ إِنِ اتَّقَيْتُنَّ فَلَا تَخْضَعْنَ بِالْقَوْلِ فَيَطْمَعَ الَّذِي فِي قَلْبِهِ مَرَضٌ وَقُلْنَ قَوْلًا مَّعْرُوفًا).. وده تصريح قرآني مباشر أن نساء النبي غير باقي نساء “الأمة”.

ولو قرينا الآية السابقة عن الآية 53 الأحزاب (أكيد 52 طبعًا) هنلاقيها حرمت على النبي أنه يطلق أي واحدة من زوجاته وبتقول نصًا: (لَّا يَحِلُّ لَكَ النِّسَاءُ مِن بَعْدُ وَلَا أَن تَبَدَّلَ بِهِنَّ مِنْ أَزْوَاجٍ وَلَوْ أَعْجَبَكَ حُسْنُهُنَّ إِلَّا مَا مَلَكَتْ يَمِينُكَ ۗ وَكَانَ اللَّهُ عَلَىٰ كُلِّ شَيْءٍ رَّقِيبًا).

الخامسة: (فَقَالَ إِنِّي أَحْبَبْتُ حُبَّ الْخَيْرِ عَن ذِكْرِ رَبِّي حَتَّىٰ تَوَارَتْ بِالْحِجَابِ) وده مالهوش أي علاقة باللبس ولا بالستات نهائي، طبعًا فيه ناس هتبقى مش فاهمة المعنى وفي نفس الوقت شاكين في كلامي، فخلينا نسهل على الجميع ونوضح السياق القرآني بالكامل للآية 32 ص

ونقدر نرجع لآراء عدد من المفسرين ونشوفهم فهموا الآيات دي أزاي وشرحوها أزاي.

السادسة: (وَقَالُوا قُلُوبُنَا فِي أَكِنَّةٍ مِّمَّا تَدْعُونَا إِلَيْهِ وَفِي آذَانِنَا وَقْرٌ وَمِن بَيْنِنَا وَبَيْنِكَ حِجَابٌ فَاعْمَلْ إِنَّنَا عَامِلُونَ) وبرضه هنا الكلام مالهوش أي علاقة بالحجاب اللي بنتكلمه عنه، ده كلام على لسان المشركين بيقولوا فيه أنهم معزولين تمامًا عن الدعوة اللي بيقدمها النبي، الإسلام، وده واضح جدًا في السياق الكامل لبداية سورة فصلت

السابعة: الآية 51 الشورى.. ونَصّهَا بيقول: (وَمَا كَانَ لِبَشَرٍ أَن يُكَلِّمَهُ اللَّهُ إِلَّا وَحْيًا أَوْ مِن وَرَاءِ حِجَابٍ أَوْ يُرْسِلَ رَسُولًا فَيُوحِيَ بِإِذْنِهِ مَا يَشَاءُ ۚ إِنَّهُ عَلِيٌّ حَكِيمٌ)

إقرأ أيضا

“الحلقة 7 من الحشاشين” حارس السجن برزك أميد شخصية حقيقية وعيبها شيء واحد

هنا الموضوع واضح جدًا أن الكلام عن موضوع تاني خالص وهو استحالة الكلام مع الله وجهًا لوجه ولو حصل يبقى بشوية طرق من ضمنها أن يكون من وراء حجاب، يعني حجاب هنا بمعنى ساتر بين الإله والبشري اللي ممكن يختاره ويكلمه.

كده استعرضنا المرات السبع اللي وردت فيها كلمة حِجاب في القرآن، وشوفنا أزاي كلها مش بمعنى غطاء الرأس.

طب معقولة كل الكلام ده عن الحجاب وفي الأخر مالهوش أي وجود في القرآن؟!؟!

أمال كل المشايخ دول بيعتمدوا في كلامهم على إيه؟

طب إيه.. هندور تاني، وإذا دورنا.. ندور أزاي وعلى إيه؟

دي تفاصيل اللي عايز يعرفها ينتظرنا الحلقة الجاية، أما اللي دخل على طول في الحلقة دي ننصحه يرجع الأول يقرا الاتفاق.