318 مشاهدة
رسالة أخيرة إلى فادي خفاجة: لازم تنسى ونيس
معلش يا شرف الدين؟ اعتبرني واحد من الناس اللي كانت بتحبك وانت صغير
الحياة مش سهلة
أنت نجحت في مجال التمثيل فى فترة الطفولة وده شيء صعب يحصل ؟
عاوز تشتغل ؟ انزل اشتغل
سمعت انك عامل مشروع جانبي ليموزين لخدمة مواقع التصوير ..جدع
الشغل عمره ما كان عيب
الحياة مش عادلة
اللي إنت عملته على تيك توك عيب و عيب أوي كمان
إنت دمرت الصورة الحلوة اللى الناس محتفظة لك بها
اللي إنت عملته حرام
إنت بتقول إنه مش مكانك ؟
أقفل واشتغل
تعالى نتكلم شوية على تجارب مميزة
أخوك عز الدين في ونيس (سامح الشجيع ) أهو شغال بيقدم محتوي مميز قريب من محتوى محمود سعد
أختك هدى في ونيس شغالة في مجال التدريب والفتنس
تعالى نفتكر مع بعض ممثل زي أحمد مرعي ..
ممثل مصري من العيار التقيل أوي
لما قفلت في وشه فى مصر اشتغل فى مسلسلات عربية في الخليج وبقي نجم في الخليج ولحد دلوقتي محدش يعرفه في مصر
أنا عاوز أقولك أنه له مسلسل عبد الله غيث و يوسف شعبان بيمثلوا مساعدين معه وهو البطل الرئيسي
أنت عارف كويس إن لكل فنان بيكون له نشاط جانبي
أعمل أي نشاط اشتغل علاقات عامة
قدم محتوى مختلف
قدم ورش تمثيل
مثل مسرح
محدش هيجي يقولك معلش تعالى نشغلك
الناس هتقول شوف وتضحك وتنظر عليك
كبر دماغك
تجاوز فترة ونيس
أنت ابن النهاردة
نور الشريف كان بيقولك أول ما انجح إنسى النجاح واشتغل كأني أول مرة أشتغل
لو انت عاوز رأيي ؟
أقفل وسائل التواصل الاجتماعي كلها
بلا هم
اشتغل وظيفة بعيدة تماما عن التمثيل
يا راجل
ده خالد صالح اشتغل فى محل حلويات سنين لحد ما جت له الفرصة وانت شايف موهبته كان شكلها ايه
اعتبر مقالتي رسالة من واحد في جيلك بيصبرك
لو متعرفش تشتغل اتعلم تشتغل
الكاتب
ما هو انطباعك؟
