فيلم sly .. لازم تقبل نفسك عشان تنجح

فيلم sly هيعجبك لو كنت من محبي الأفلام الوثائقية جدًا، عموما أنا بحب جدا النوع ده لو معمول حلو .. فيلم سيلفستر ستالون الجديد بيحكي عن قصة حياته، والجميل في الفيلم إن أشرف على إنتاج الفيلم صديقه ومنافسه القديم أرنولد شوارزنيجر اللي ظهر معه في الفيلم.

فيلم sly يدور حول انتقال سيلفستر إلى منزل جديد في منطقة صحراوية لأنه حابب يبدأ حياة جديدة بسبب شعوره باليأس وقرب النهاية وزواج بناته، فكرة البيت الجديد الذي أشرف على تأسيسه واحدة من أهم شركات تأسيس المنازل، والمنزل بيعبر عن رحلة سيلفستر الفنية، هتلاقي لوحات و تماثيل و أيقونات بتعبر عنه فى كل مكان فى بيته الجديدة.

سيلفستر بيتكلم عن رحلته ويبدأ بسؤال أنه في بداية حياته كان نفسه يعمل أفلام كتير ويخلف أولاد كتير، بس دلوقتي كان نفسه يعمل 25 فيلم فقط، سيلفستر شايف رحلته عامل زي اللى راكب قطر وحياته  بتمر قدامه من شباك القطار، والعمر جري بيه وأنه واجه تحديات عظيمة في حياته.

الفيلم يناقش ميلاده فى أسرة فقيرة، وأب معقد نفسيًا عائد من حرب فيتنام شديد القسوة، بيقول أنه أستغل شخصية والده في شخصية رامبو، لأن والده كان يشبه نفسيًا شخصية رامبو وده يعتبر اكتشاف جديد بالنسبة لي.

بيحكي في الفيلم على قسوة والده وطرق عقابه و تعذيبه أثناء الطفولة، بالاضافة الى عرضه لفيديو أول مرة يعرض لتعدي والده عليه أثناء ممارسة الرياضة بعد أن تعدي سيلفستر نجمًا مما أدى إلى سقوط سيلفستر من الحصان والإصابة في ظهره والجميل في الفيلم أن ينتهي بفيديو لسيلفستر مع والده بيقول انه بيحبها و أنه سامحه.

سيلفستر يمر سريعًا على وفاة ابنه بيبرر ده، أنه مش عاوز يتكلم عن اليأس، أنا عاوز اتكلم عن أمل فقط، الفيلم يناقش التحديات التي كام بيقابلها سيلفستر في بداية حياته أنه محدش كان شايف إنه ينفع ممثل ولا نجم، وأنه شايف أن نجاحه كممثل يعود إلى قدرته لكتابة لنفسه.

وهنا بنكتشف معلومة جديدة، أن سيلفستر من بداية حياته كان يعيد كتابة الحوار في الأفلام الخاصة بيه، وكان بيحاول دايما يخلي الحوار قوي ومؤثر و بيحاول يخلي الحوار يحمل جزء من الشخصية، وأن سيلفستر رفض عروض مادية كبيرة جدًا مقابل أن ممثل تاني يقوم ببطولة روكي.

وكان شايف أن روكي مسألة حياة أو موت، و شايف أن روكي بسماته النفسية عكس رامبو بسماته النفسية و ان فيه تناقض بينهم .

إقرأ أيضا

سيرة بيرلو (7).. توتي بطريقتي!

شايف أنه حاول يعمل كوميدي ودراما وفشل، لأن الافلام دي عكس طبيعته النفسية، وأنه تربى على عنف بسبب والده، وعشان كده دايمًا كان يفشل في أي افلام غير الأكشن والعنف، و كان شايف أن سبب نجاحه الحقيقة هو تقبله لنفسه بكل عيوبها.

اقرأ أيضًا
40 سنة من روكي .. قراءة في الفيلم الوثائقي الذي لخص سلسلة سلفستر الخالدة