كيف تستخدم الملح في التنظيف؟! تعرف على بعض الحيل البسيطة

الملح مكون رئيسي في الطعام ومن معلوماتي السرية رئيس التحرير بيحب الملح كتير في الأكل، الجديد ان الملح ممكن استخدامه في التنظيف إزاي خليني اقولكم

1- تنظيف السجادة من البقع أو الشحم

عندك سجادة وبقعت خاصة لو بقعت شحم، الحل بسيط، ربع فنجان ملح مع تلت ربع كحول تتضيف وادعكي بيهم السجادة في اتجاه الخيوط مش عكسها.

2- إسفنجة المواعين

أسفنجة المواعين ياما بتشوف دهون وعشان ترجعيها جديدة، انقعيها في إناء فيه ربع فنجان من اختراعنا في المقال ده ولتر مايه وسبيها شوية وبعدين اشطفيها، هتحسي بالفرق

3- بقع الفاكهة في الإيدين

محدش فينا بيخلص من بقع الفاكهة على الإيدين، ببساطة قبل ما تغسلي إيدك بالماية والصابون إدعكيهم بشوية من مادتنا السحرية وهتلاقي ايدك رجعت لونها طبيعي 🙂

4- البوتجاز

من أصعب اللحظات علينا هي لحظة تنظيف البوتجاز، خاصة لو فار عليه قهوة ولا حلة شوربة، الحل بسيط جدا، رشة كبيرةشوية مكان السائل اللي فار على البوتجاز وسبيه شوية، هو هيقوم بامتصاصها وعليكي بعدها تمسحيه بفوطة وخلاص.

5- الفضة والنحاس

عندك شوية فضة ولا نحاس فى النيش والحنيم والشوق خلاكي تبصي عليهم فلقتيهم اطفوا، أقولك الحل، عجينة من الخل والملح وافركيهم كويس جدا بيها وبعدها اشطفيهم ونشفيهم وها هي الفضية عادت تبرق من جديد.

6- الطاسات

لو عندك طاسة قديمة  حديد زهر وعايزه تردي فيها الروح أدعكيها بالكريستالات البيضاء بقماشة نضيفة وبعدين اشطفيها وشوفي الفرق

7- ألواح التقطيع

ألوح تقطيع الطعام مع الوقت ريحتها بتتغير وبتبقع، لتنظيفها مزيج من الليمون بالملح وأدعكي بيهم اللوح، وبعدين أشطفيه كويس.

المصدر