مراجعات كتب (2) موسم صيد الغزلان وبئر الوطاويط

أثار حديثها فضولي، تلك الطالبة التي وقفت أمامنا ولمَحتْ رواية موسم صيد الغزلان بين يديّ زميلتي في المدرسة، ابتسمت في خجل ثم قالت : ميس حضرتك بتقري الرواية دي ؟…دي وحشة خالص..واحمد مراد ده اصلا ملحد !! سألناها : مين قاللك انه ملحد…وبعدين انتي أصلا قريتيها ؟ فجائت اجابتها صادمة : ايوه بس مكملتهاش للاخر..سيبتها من نصها عشان فيها قلة ادب كتير..والناس كلهم بيقولوا انه ملحد !! تذكرت حينها قاتل فرج فودة.

اقرأ أيضًا 
مراجعات كتب (1) .. يوم غائم في البر الغربي والهدنة

قد لا تتفق ورأي ولكن في موسم صيد الغزلان قرأت قصة جيدة بأناقة لغوية وأسلوب تشويقي لما تحمله من فانتازيا وخيال علمي وحياة مستقبلية، ولابد أن أعترف بعد قرائتي لتراب الماس و1919 ثم موسم صيد الغزلان -الأكثر نضجًا – بأن أحمد مراد يمتلك أسلوب سرد مميز سلس، يجتذب القارئ ويثيره للمتابعة، يرسم للشخصيات بحرفية غير مسبوقة.

البطل نديم تلك الشخصية التي تحب أن تكرهها، نديم الذي مهما بلغ من حرية وتطور في أفكاره إلا انه ما زال يعاني من عقدة الرجل الشرقي : (انا اعمل كل اللي انا عايزه لكن مراتي لا ) !

موسم صيد الغزلان صادمة لأي شخص “كيوت وسطي جميل” بجرأتها والأسئلة الوجودية التي تطرحها، وفي رأيي أن مراد أجاد الكتابة فلسفة الإلحاد في مضمون الرواية، وما يدور في ذهن كل ملحد من أسئلة، ليس فقط في أذهان الملحدين، ولكن بعض تلك الاسئلة قد دارت يومًا في اذهاننا جميعا…نحن البشر !!

الرواية قائمة في الاساس علي الحوار بين طارق ونديم : – صعب نفهم الخالق، وصعب نقارن تفكيره بينا – ده صحيح، لكن ممكن نفهم ان جوجل سنة 2014 كان بيستجيب للبشر اسرع منه – صدقني، فيه دعوات من الافضل انه ميستجيبش ليها

قلت لصديق حين سألني عن رأيي في الرواية: هي حتصدمك ف الاول..وبعدين حتاخد علي الصدمات….حتشدك تكملها…وفي النهاية حتطمنك….

أخيرا : إن كنت لا تقرأ فسوف تجد الرواية إباحية جنسية وسوف تلعن سلفسيل جدود احمد مراد !!

لذلك انصحك بقراءة ظل الأفعى ليوسف زيدان – عمارة يعقوبيان لعلاء الاسواني – لا أنام وبئر الحرمان والخيط الرفيع لاحسان عبد القدوس – عشاء برفقة عائشة وقمر علي سمر قند لمحمد المنسي قنديل –  ومن الأدب العالمي سروال القس لثورن سميث ثم تعال حدثني عن الاباحة والجنس !

ليس دفاعًا عن أحمد مراد، ولا مقارنة من أشد اباحية وفجاجة جنسية… ولكن دعوة للقراءة ….

إقرأ أيضا

التفرقة في المعاملة تشغل بال المؤلفين

عشان لما تقرا متتصدمش زي ما حصللك دلوقتي !!

هوا انا مش عارفة بصراحة الناس ليه مش فاهمة ان الادب الروائي مرتبط بالجنس والدين والسياسة ؟؟! وبالعكس انا مش شايفة فيها اباحية مقارنة بموسم صيد الغزلان، بس تقييمي لبير الوطاويط اعتقد 3 نجوم كفاية، والـ 3 نجوم دول : نجمة عشان التشبيهات البليغة اللي مراد متميز بيها جدا.. نجمة عشان المفردات و طريقة السرد واختياره للالفاظ الصحيحة والمتماشية مع الحقبة الزمنية… نجمة عشان حبيت سليمان السيوفي بكل جنانه وبارانويته وهلوسته اوي بصراحة.. النجمتين اللي راحوا عشان الحبكة الضعيفة اللي ضيعت الرواية تماما واللي بجد متنفعش تتصنف كرواية بوليسية، ممكن تصينفها كرواية تاريخية فقط!! اخيرا : اذا كنت من النوعيات المتدينة الكيوت الوسطية الجميلة لا تقرأها..