رئيس مجلس الادارة: رشا الشامي
رئيس التحرير: أسامة الشاذلي

همتك معانا نعدل الكفة
1٬107   مشاهدة  

الثوابت الوهمية .. الحجاب عند المفسرين

الحجاب
  • شاعر عامية وقاص مصري مهتم بالشأن النوبي ونقد الخطاب الديني

    كاتب فضي له اكثر من 250+ مقال



الحلقة اللي فاتت عرفنا أهم مصادر التفسير وعملية التفسير نفسها قايمة على إيه، الحلقة دي بقى هنشوف تفسير الآية 31 من سورة النور:

القرطبي شاف أن الآية فيها 26 مسألة، طبعًا مش هنستعرضهم كلهم.. إحنا عرفنا السيستم ماشي أزاي ونلاقي الكلام بحذافيره فين وأزاي، فخلينا نخش على الخلاصة قدر المستطاع، إحنا محتاجين تعريف للزينة ومحتاجين نعرف المقدار المتاح إظهاره منها طبقًا لقوله (وَلَا يُبْدِينَ زِينَتَهُنَّ إِلَّا مَا ظَهَرَ مِنْهَا)، مبدئيًا اختلفت الأراء في كل المسائل ومافيش مسألة واحدة عليها إجماع، وده الحال في كل المسائل الشرعية أو السواد الأعظم منها على أقل تقدير.

اختلاف الأراء في المتاح إظهاره فتدرج من الهدوم الخارجية فقط لغاية الوجه مع السماح بالكحل “مكياج عصرهم” والكفين لغاية نص الدراع.

(وَلْيَضْرِبْنَ بِخُمُرِهِنَّ عَلَىٰ جُيُوبِهِنَّ) دي المقصود منها تغطية الصدر، بمعنى ماتبقاش مقدمة الوادي بين النهدين باينة. أما (لَا يَضْرِبْنَ بِأَرْجُلِهِنَّ لِيُعْلَمَ مَا يُخْفِينَ مِن زِينَتِهِنَّ) فدي نهي عن الدبدبة “الخبط بالرجل جامد” أثناء المشي عشان الجلاجل/الشخاليل بتاعت الخلاخيل.

الحجاب

في تعريف المقصود بـ”الزينة”، كان الخلاف واضح بين تعريف ابن عباس: الكحل والخاتم والخضاب في الكف. وتعريف ابن مسعود: هي الثياب بدليل قوله تعالى: “خذوا زينتكم عند كل مسجد” (الأعراف -31)، فذهب القرطبي للتوفيق بين الرأيين بأن الزينة نوعين نوع خِلقي ونوع مكتسب، الخِلقي هو الوش والمكتسب هو الهدوم والأكسسوار والكحل/الميكاب الخضاب “ده يتفك برسم الحنة أو التاتو”.

لما نروح عند ابن كثير أو البغوي أو الطبري مش هنلاقي فروق كبيرة… تقريبا نفس الأحكام والأهم نفس الخلافات بين الأشخاص المأخوذ عنهم، وكلهم ناس سمعت الكلام من النبي مباشرة، فروقات أو اختلافات يراها البعض بسيطة ويراها البعض مهمة.

فمثلا الخلاف على مفهوم الزينة أنا شايفه خلاف مهم، لأن مافيش مقارنة بين أن تكون الزينة جسدية أو تكون مكتسبة؛ فالنهي عن إظهار الخلخال غير النهي عن إظهار الشعر تمامًا.

إقرأ أيضا
الحجاب

فيه خلاف مثلا على تعريف ما ملكت أيمانهن، فهل ده معناه أن عبيد المرأة يعتبروا محارم؟ وحصل هنا خلاف وتدرجت الأراء من أول أن ملك اليمين هنا الستات بس لغاية ستات ورجالة مرور في النص بأراء في نوع الرجالة، مخصيين بقى أو شيوخ أو غلمان أو “مخنثين”.. إلخ.

أنا عن نفسي فيه أراء شوفتها منطقية وفيه أراء أستعجبتها وفيه أراء فكرت فيها بنفسي، وهاستعرضها معاكم الحلقة الجاية، بس نصيحة لأي حد دخل على طول في الحلقة دي ياريت يرجع يقرا الاتفاق

الكاتب

  • الحجاب رامي يحيى

    شاعر عامية وقاص مصري مهتم بالشأن النوبي ونقد الخطاب الديني

    كاتب فضي له اكثر من 250+ مقال






ما هو انطباعك؟
أحببته
0
أحزنني
0
أعجبني
0
أغضبني
43
هاهاها
0
واااو
0


Slide
Slide
Slide
Slide
Slide
Slide
‫إظهار التعليقات (2)

أكتب تعليقك

Your email address will not be published.







حقوق الملكية والتشغيل © 2022   كافه الحقوق محفوظة
موقع إلكتروني متخصص .. يلقي حجرا في مياه راكدة

error: © غير مسموح , حقوق النشر محفوظة لـ الميزان