140 مشاهدة
شجيع بمسلسل جولة أخيرة .. كسب في الماتش ولا الحقيقة
من مقالاتي السابقة هنا في الموقع هتعرفوا إني بحب أحمد السقا وبحب أشرف عبد الباقي، بمعنى أني أساسًا شاري المسلسل قبل ما يبدأ
اقرأ أيضًا
جولة أخيرة .. مشاركة أولى مشرفة جدا للدراما العربية على آمازون
بس مسلسل جولة أخيرة ده معمول حلو، معمول فيه تمثيل حلو، طبعًا الفضل يرجع للمخرجة مريم أحمدي اللي قدرت تختار فريق عمل كويس، الحقيقة أن فريق عمل مختار بعناية
مسلسل جولة أخيرة متعوب فيه في الكتابة والإخراج والتمثيل ومكثف في الفكرة
عجبني جدًا أشرف عبدالباقي يمكن دور أشرف كان دافع لي أقوى أن أشوف المسلسل، الناس كانت بتنسيني مشاهد أشرف عبدالباقي وأنه هيبدأ يطلع في أدوار الجراند أدوار حسن حسني الفترة الجاية وأعتقد أن أشرف لو ركز في أدوار حسن حسني هيحقق نجاح مضاعف لحسن حسني بمراحل.
عجبني جدًا تصريح أشرف عبدالباقي أنه استعان بمدرب تمثيل وده مش عيب، بالعكس ده إضافة، لأن أشرف عرف يخرج من جلده ويقدم دور مختلف ومرحلة عمرية مختلفة
كنت أعتقد أن مشاهد القتال كانت مفروض تكون أطول من كدا ويكون فيها تمثيل، لأني كنت متوقع أنها هيكون فيها دراما ولكن مشاهد القتال في القفص كانت قصيرة وكانت ضمن المسلسل مع أنها القصة الأساسية للمسلسل
أحمد السقا في جولة أخيرة ده حابب يشتغل ويمثل ويجتهد وطبعًا قدم رسالة حب لوالده لما قدم الشخصية باسم شجيع واحد من أبطال مسرحية والده الليلة الكبيرة
مبسوط جدًا أن أحمد فهمي اتقتل في أول المسلسل بجد كانت فرصة حلو واستعادة إفيه سمير وشهير وبهير أنا ممكن أموت عشانك
أسماء أبو اليزيد ممثلة كويسة جدًا ومختلفة عن الساحة كلها، رشدي الشامي ممثل عظيم بجد، مع أنه عمل دور ثاني ولكن مؤثر، وعرف يقدم مشاهد المرض بشكل رائع جدًا
مش عايز أنسى حد بس علي صبحي كان اكتشاف في المسلسل وصفاء الطوخي مميزة كالعادة وحنان سليمان و سحر رامي ..المسلسل مفيش فيه حد بيمثل وحش
مشاهد المرض والزهايمر كانت صعبة جدًا وأعتقد أن الكاتب اساسا كان خريج كلية طب وده كان عامل مساعد على تجسيد المرض على الشاشة
بخصوص المخرجة، أنا لحد شفت لها مسلسل الجولة الأخيرة وعجبني جدًا و شوفلتها قبل كدا مسلسل 60 دقيقة بطولة ياسمين الريس وكان مسلسل معمول حلو و مش مشهور في مصر، إحنا قدام مخرج شاطرة بتعرف تختار الموضوع وبتعرف تخرج أفضل حاجة من كل فنان
الكاتب
ما هو انطباعك؟
