رئيس مجلس الادارة: رشا الشامي
رئيس التحرير: أسامة الشاذلي

همتك معانا نعدل الكفة
156   مشاهدة  

علامات الفشل .. اعرف موقفك معانا وسرك في بير

علامات الفشل


انت فين من حياتك المهنية؟ فين كاريرك وشغلك وكيانك؟ بتحبه؟ ولا مجرد حاجة بتاكل منها عيش وخلاص؟ أسئلة كتير بتطرح نفسها، ولو كل يوم الصبح بتقوم م النوم بتقعد تدور علي حجة مفيدة متروحش بيها الشغل؟ لو بتعمل كدة يبقي المقالة دي مكتوبة ليك..
النهاردة بنتكلم عن علامات الفشل في الشغل، العلامات الي لو لقيتها فيك تبدأ تقلق علي مستقبلك، أو تبدأ تدورلك علي شغل تاني وإليكم التقرير التالي:

1- بتغيب كتير/ بتضرب شهادات مرضي كتير.
أول علامة في سكة الضياع انك تكون بتروح الشغل بالعافية، كل ما تحس نفسك مصدع تروح رايح لدكتور وتاخد خمس أيام إجازة مرضي، كل ما صباعك يتخبط تسافر تتعالج في المريخ وهكذا

2- مبقتش فارقة معاك.
لما تلاقي نفسك بقيت قاعد ف وسط الشغل عامل زي عم شكشك، بتسمع مين قال ايه، ومين رايح فين، وفلان اترقي وفلان سافر وفلان مسك قسم كذا، وانت شغلتك الوحيدة انك تهش بالمنشة وتشرب شاي يبقي فيه حاجة غلط أكيد..

3- بتروح ف معادك وبتمشي ف معادك “أو قبله”
الالتزام بالمواعيد شيء جميل، بس مش لدرجة انك تكون اخر واحد واصل وأول واحد ماشي م الشغل كل يوم، ده بيدي انطباع لكل اللي حواليك انك لا طايق نفسك ولا طايق الشغل ولا طايق الناس اللي ف الشغل…

4- كل اهتمامك انك تلبس التانيين..
كأنك بالظبط رايح الشغل شايل درع تتفادي بيه خوازيق الأخرين، مش بتركز ف شغلك قد ما بتركز ازاي تحدف شغلك علي حد تاني يعملهولك وكله بالقااااانون..!

5- بطلت تتطور..
مبقتش تتعلم أي حاجة جديدة من اللي حواليك، لا الكبير ولا الصغير، مبقاش عندك اهتمام انك تفهم حاجة جديدة، وكل الي علي لسانك “احنا بنعملها كدة..”

6- دخلت ف قوقعة..
القوقعة يعني انك بتبقي ف حالك طول الوقت، مفيش تفاعل بينك وبين مديرك، يدوبك الشغل وبس ومحدش له حاجة عندك، حاسس انك فاقد الاتصال بينك وبين كل الناس، كأنك في جزيرة معزولة..

7- كل اللي حواليك أصغر منك..
وأخيرا اخر وأهم علامة في كل دول، انك تلاقي كل الي حواليك بقو أصغر منك في السن، ناس جديدة شغالة ومزاملاك وانت لسه مكانك، لا طلعت ولا اتحركت، وقتها تبدأ تحس ان جرس الخطر بدأ يشتغل، ووقتها لازم تتصرف يا بطل..

إقرأ أيضا
البطالة

لو عجبتك المقالة اعمل شيرر ولايك وقولنا فيه كام علامة من دول عندك يا باشا..!

الكاتب






ما هو انطباعك؟
أحببته
0
أحزنني
0
أعجبني
0
أغضبني
0
هاهاها
0
واااو
0


Slide
Slide
Slide
Slide
Slide
Slide
‫إظهار التعليقات (2)

أكتب تعليقك

Your email address will not be published.







حقوق الملكية والتشغيل © 2022   كافه الحقوق محفوظة
موقع إلكتروني متخصص .. يلقي حجرا في مياه راكدة

error: © غير مسموح , حقوق النشر محفوظة لـ الميزان