226 مشاهدة
ليه رفض الفنان يحيي الفخراني فيلم العار ؟؟
الفنان يحيى الفخراني كان معروض عليه فيلم العار دور محمود عبد العزيز، يحيى بعد لما شاف السيناريو قرر إنه هيعمل دور حسين فهمي، لما عرف إن الدور رايح لحسين فهمي وإن حسين فهمي يعتبر صاحب المشروع اعتذر بشياكة.
محمود عبد العزيز وقتها كان محصور في الأدوار الرومانسية والحب والشخص الخائن، كان نفسه يطلع من الدايرة دي بأي ثمن أو أي شكل .. محمود شاف الدور فرصة كبيرة له عشان يقول للعالم أنا ممثل.
هتلاقي في الفيلم إن محمود عبد العزيز كان مكتوب اسمه التالت، لأن النجومية هنا كانت محصورة في حسين فهمي ونور الشريف، بس هتعرف مدى نجاح محمود عبد العزيز لما هتلاقي إن الفيلم اللي بعده على طول كان الكيف .. وهنا وافق الفنان يحيى الفخراني إنه يشتغل مع محمود عبد العزيز ؟ وبس يحيي كان عاوز دور محمود عبد العزيز برضه، هنا المخرج علي عبد الخالق ..قال له هتنجح أكتر في دور المتعلم؟ وفعلاً يحيى عمل دور تاريخي في فيلم الكيف.
حاول الفنان يحيى يحيى مع نفس فريق العمل يعمل فيلم الذل مع ليلى علوي و يعتبر في نفس إطار علي عبد الخالق كمخرج و محمود أبو زيد كسيناريست بس محققتش النجاح المنتظر .. يعتبر فيلم ظريف ولكن مش منتشر زي الكيف أو العار أو جري الوحوش.
كون محمود أبو زيد و علي عبدالخالق ثنائي فني رائع، حاولوا تقديم أفلام تقدم جانب أخلاقي أو توعية من خلال أفلام مثل العار وجري الوحوش والكيف والبيضة والحجر.
أخيرا في ذلك السياق، فيلم البيضة والحجر كان مكتوب في الأساس للفنان محمود عبدالعزيز والشخصية اللي قدمها أحمد زكي كانت أقرب إلى محمود من حيث الملامح الداخلية ولكن رفض محمود لتقديمها دفع أحمد زكي لتقديم دور مختلف جدًا و مهم جدًا
في النهاية كل دور بيروح لصاحب نصيبه، حتى أحلام الكاتب وخيال المخرج من الممكن أن يتفوق عليه موهبة مثل موهبة أحمد زكي القادر على التلون بين الكوميديا و التراجيديا أو موهبة الفخراني
اقرأ أيضًا
“من السرادقات للبلاتوهات” من هم مقرئين أشهر مشاهد العزاء في السينما؟
الكاتب
ما هو انطباعك؟
