لا تبكي يا “أهنف”… 8 من الكلمات العربية مش هتلاقوها غير هنا لانها انقرضت

بص يا سيدي باختصار لغتنا العربية دي أكتر اللغات السامية انتشارًا واستخدامًا بالعامية كدا هي لغة غزيرة جدًا فيها أكتر من 12 مليون كلمة  ولو استخدمت كل الكلمات العربية في  “ميزان صرف الكلمات” هتطلع بكم هائل من الكلمات على وزن واحد ومن جذور واحدة طيب لو عملنا مقارنة بين اللغة العربية واللغات التانية هيكون في فرق كبير؟.

طبعا احنا عندنا كم هائل من الكلمات يعني مثلا اللغة الانجليزية هتلاقيها مكونة من 400 إلى 600 ألف مفردة والروسية حوالي 130 ألف كلمة والفرنسية 150 ألف كلمة:” وبما أن الحياة الاجتماعية بتتغير وبتطور في كلمات عربية بتوه وسط زحام الأحداث بعد استخدامها وبتطور وغالبًا شبه انقرضت وبطلنا نستخدمها في اللغة سواء الفصحى أو العامية بردو ايه رأيكم تعرفوا جزء منها ؟ +

                                                                 رَشوف

أول كلمة هي “رَشوف” أو  ست شكل شفايفها مثير وحلو وده  العرب كانوا بيقولوه عن السيدة جميلة الفم  تخيل إنك قولت لمراتك أو خطيبتك أو حبيبتك انتي رَشوف أوي يا نهار ضحك طبعا الكلام مش موجه ليك انت يا سنجل يا بائس. 

إقرأ أيضًا…فتنة جوائز المهرجانات عندما تحالفت ليلى علوي مع يسرا ضد فاتن حمامة

                                                                   أهنف

“أهنف” تاني كلمة من الكلمات العربية كانت بتستخدم زمان مع الصب في مصلحة قدامى العرب هي نفسها  اللي بنحس بيها  أيام الخميس والجمعة من كل أسبوع بعد سماع أخبار زيادة الضرايب والأسعار وهي قريبة في معناها من “هيعيط هيموت هينزل الكتكوت”. 

                                                               حشحش

الكلمة التالتة هي “حشحش”  طب دي معناها أيه يا زعيم؟ دي معناها انك لما تيجي تبدأ تتحرك من مكانك كأنك قاعد على القهوة ولمحت واحد انت مبتحبوش جاي ناحيتك وأول ما بتلمحه بتقوم فاكك من المكان يا حويط.

                                                                  تشفن   

عندما “تشفن” شخصاً ودي الكلمة الرابعة من الكلمات العربية معانا النهاردة يعني وانتي قاعدة بتتكلمي في الموبايل مع اختك وبتنموا على خلق الله تبحلقي لابنك من تحت لتحت عشان صوته عالي في البيت عشان مش سامعة منه حاجة (¬_¬”).

                                                                     الإهلاس

خامس كلمة بقى معاناها محاولة إخفاء الضحك ودي كلنا بنقع فيها “الإهلاس” هو محاولة إخفاء الضحك وادعاء انك طبيعي عشان متتحطش في موقف محرج وتركب قطر الساعة 6 الا تلت أو تاخد الناحو. 

                                                                    كردوم

                 سادس كلمة هي “كردوم” ودي معناها الراجل القصير والضخم  وغالبًا دمه خفيف جدًا.

                                                                           أتراب

الكلمة رقم 7 هي “أتراب”  يعني اتنين قد بعض في السن ينفع يتقال عن الستات أتراب والذكور  أتراب والذكر والانثى لو سنهم واحد يبقوا أتراب بس يستحسن مترتبطيش ولا تتجوزي لو من دفعتك عشان متبقول اتراب وعيشتكوا تراب ده لسة معاهوش حق البامبرز. 

بَسبس

تامن كلمة بقى هي “بَسبس” دي بقى هي نفسها لما تكون انت وصاحبك ماشيين في أمان الله ويجيله تليفون فيه مصلحة ويمشي أسرع وغالبًا هيطرقعلك بسبس يعني مشي أسرع.