88 مشاهدة
عبد الرحمن جمال.. شاب عشريني يقهر الظروف الاقتصادية ويبدأ مشروعه
في شهر نوفمبر 2019 قرر عبد الرحمن جمال البالغ من العمر 23 عامًا أن يبدأ حياته المهنية ليفشل عدة مرات ولكنه قرر عدم الاستسلام، ليبدأ ابن محافظة طنطاطنطا من جديد ولكن في تلك المرة حقق نجاحًا كبيرًا.
“بائع سندوتسات بيتي”.. كانت تلك هي الوظيفة التي اتجه لها الشاب العشريني بعدما شاهد فيديو لفتاتان تقومان ببيع سندوتشات في الشارع، ليخصص غرفة صغيرة في منزله وساعدته والدته وأشقاءه في ذلك.
ورغم مشقة العمل فطبيعته تجعله يظل واقفًا ساعات كثيرة تحت أشعة الشمس لكنه تعرض للعديد من الانتقادات في البداية نظرًا لطبيعة عمله وهو بيع سندوتشات مصنعة في المنزل في الشارع.
لم تكن الانتقادات فقط هي ما ازعجت “جمال” بل وجود عقبات أمامه جعله يشعر بنوع من الضيق:” عقبات كتيرة وجهتني أني بقف أمام مستشفي الطلبة في شارع مستشفي الرمد في طنطا أمام بوابة كلية العلوم جامعة طنطا وهناك فيه باعة متجولين وبيبعوا حاجات تانية زي الملابس وغيرها كانوا عايزين امشي بأي طريقة ولكن الناس والطلاب وقفو معايا أكثر من مرة وكانوا يعملو معايا مشاكل كتير، والعقبة الثانية تاني عقبة الشمس والحرارة في الصيف والبرد والمطر في الشتاء، وثالثة عقبة كانت الدراسة والامتحانات، وكورونا”.. يقول” عبد الرحمن” ” للميزان”
وكما هو متعارف عليه فإن العائلة تكون الداعم الأكبر لاولادها كانت عائلة “جمال” هكذا خاصة وأنه بدء مشروعه وجائحة كورونا قد طرقت على أبواب العالم بعدها ليتأثر عمله نتجية الجائحة:” كانت بداية وباء كورونا والناس كلها خايفة جدا ومش بتثق في حد أبدا ولكن الحمدلله طلاب جامعة طنطا شجعوني جدا وبدأو يقولو لبعض وبدأ الحمدلله الطلاب والدكاترة والموظفين وحتى المرضي يجوا يشترو مني لأن السندوتشات كويسة جدا ومخدومة وسعرها رخيص وكمان معمولة في المنزل”
تمكن ابن محافظة طنطا من تحقيق نجاح كبير خلال الأربع سنوات حتى أصبح له صيد واسع في طنطا والقاهرة إسكندرية.
“محدش يقول مفيش شغل الشغل موجود وقدامك بدل الفرصة ألف في الزمن ده لازم السعي لأن الحياة صعبة، لازم تشتغل وتعمل هدف وحلم لحياتك وتشيل مسؤولية نفسك وتخطط وتعمل مسار لحياتك، ومضيعش وقتك وعمرك على القهوى وأصحاب السوء، قرب من ربنا وتوكل علي الله واشتغل واعمل هدف لحياتك واسعى وحقق حلمك وهدفك وفي فرص شغل لا تعد ولا تحصى وحاليا في 2023 بقي متاح إنك تشتغل على الانترنت وتكسب فلوس من البيت ابحث على الانترنت وتعلم لغة أو برمجة أو تصميم واشتغل وربنا يكرمك وتقبض بالدولار وانت في البيت”.. يقول” جمال”
وفي مبادرة هى الأولى من نوعها قام ابن محافظة طنطا بمبادرة على” التيك توك” لتوزيع الوجبات على الأسر المستحقة:” أنا أول واحد يعمل المبادرة دي وهى إننا بنعمل عدد وجبات معينة من 100 إلى 300 وجبة عبارة عن سندوتشين والوجبة سعرها 20 جنيه والناس بتشتريها ونقوم موزعينها على الأسر المستحقة وده كله لايف”
إقرأ أيضًا.. قسمت حلمي.. طنطاوية اتخذت من مشقة العمل قانونًا صارمًا لها
الكاتب
ما هو انطباعك؟
