بعد مشهد قتله بمسلسل الاختيار 2 .. ما هو مصير زوجة همام عطية في الحقيقة

انتهى دور الإرهابي همام عطية في الحلقة 19 من مسلسل الاختيار 2 وكان لافتًا رد فعل زوجة همام عطية قبيل حلقة مقتله إذ كانت رافضةً لتصرفات زوجها، وفي حلقة القتل لم يمسها أحد بسوء وقال قائد الاقتحام «خلي بالكم في أطفال وأمهم»

مصير زوجة همام عطية

عقب مقتل همام عطية أجرت أجهزة الأمن تحقيقًا مع بسمة مصطفى زوجة همام عطية وذكرت تفاصيل حياة زوجته، حول ما جرى معها من أجهزة الأمن قالت بسمة مصطفى «في اليوم ده (تقصد يوم مقتل زوجها) همام رجع الساعة 11 مساء وبعد ما رجع بنص ساعة لقيت الباب اتكسر وناس كتير دخلت الشقة لابسين أقنعة سوداء ومسكوا همام وخدونى أنا وأولادى دخلونى شقة الجيران اللى فى نفس الدور وبعدها مشيت أنا والأولاد وعرفت بعدها أن همام اتقتل»، لم تدان بسمة مصطفى في قضية أجناد مصر وهي حاليًا ترعى أولادها التسعة.

اقرأ أيضًا 
بعد مشهد كريم عبدالعزيز وأحمد داش “ما هي عقوبة المتورطين الحقيقيين في قضية أجناد مصر ؟”

في الحقيقة .. ما الذي قالته زوجة همام عطية عن نشأته

في الأساس فإن همام من مواليد سويسرا وقد طُلِّقَت أمه وهو في سن 6 سنوات ثم رجع لأبيه وهو في سن 11 سنة وظل هناك إلى أن أكمل 20 عامًا وعاد إلى مصر لتسوية موقفه من التجنيد وأخذ إعفاء ثم سافر للسعودية وعمل في تجارة الدواجن بالمدينة المنورة.

كان همام عطية هو ابن خال بسمة مصطفى وقد تزوجا سنة 2004 م وأسفرت الزيجة عن 6 بنات و 3 أولاد، وبعد زواجه بعامين سافر إلى السعودية.

قالت زوجة همام أنه أثناء وجوده في السعودية سافر همام للعراق لمدة 60 يوم، وسافر معه محمد سامي ابن خال زوجته وابن عم همام، ولما رجع قال أنه كان بيجاهد ضد الأمريكان فى العراق ثم طُلِب منه أن يقاتل الشيعة لكنه رفض.

الإرهاب في مسيرة همام

خلال السنة سافر همام عطية إلى العريش وظل بها 5 أشهر وذلك لأنه كان مطلوب أمنيًا ويرجع ذلك كما قالت زوجته «قالي إن في منتصف 2012 كان هو وصديقه بلال فرحات، راكبين عربية وحصل تبادل لإطلاق النار مع كمين شرطة بس مقليش إيه سبب ضرب النار، وبعدين هرب هو وبلال على العريش، وفضل هناك حوالى 5 شهور، وبعدين روحت أنا والأولاد قعدنا معاه فى العريش فى منطقة اسمها الخزان، وهمام كان مأجر شقة علشان نقعد فيها معاه أنا والأولاد، وبعد 6 شهور وتقريبا فى منتصف عام 2013، رجعنا على فيصل، وأنا على حد علمى همام لم ينضم لأى تنظيم فى سيناء لأنه بطبيعته وشخصيته بيحب يشتغل لوحده بدون أن ينضم لأى تنظيمات إرهابية، وهمام خلال فترة العريش أو بعد ما رجعنا مشتغلش حاجة خالص، ولما كنا فى العريش كان فى واحد اسمه أبو عماد بييجى لهمام وبيديله مبلغ 1300 جنيه شهريا، وكان بيدفع منهم 300 إيجار الشقة والباقى بنصرف منه، واحنا لما كنا قاعدين فى المرج همام بدأ يفكر يسيب الشقة بتاعت المرج علشان الجيران اللى فى المنطقة أخلاقهم كانت سيئة جدا وفعلا همام لقى شقة فى الطوابق فيصل فى شارع الصفا والمروة، وانتقلنا فيها أنا وهو الأولاد وتقريبا الكلام ده كان فى نهاية 2013، وفى الفترة دى بدأ همام يفكر يعمل تنظيم إرهابى فى الفترة اللى قاعدين فيها فى شقة الصفا والمروة، وفعلا همام أنشأ تنظيم اسمه أجناد مصر وأنا أعرف من أعضائه بلال فرحات وهو اسمه بلال صبحى، وده أنا أعرفه كويس لأنه صديق همام وكان بييجى فى العريش وفى شقة المرج وشقة فيصل، وكان فى واحد تانى اسمه محمد صابر، بس ده انا مشفتوش خالص بالإضافة أن فى ناس تانية بأسماء حركية سمعت عنهم فى الآخر خالص».

إقرأ أيضا

بليغ حمدي .. المزيكاتي الأصلي

اعترافات الزوجة على إرهاب همام عطية

وعن الشأن المصري قالت زوجة همام عطية أنه في عام 2011 م طُلِّقَت أم همام للمرة الثانية وقال أنه لن يتركها لوحدها فغادرا السعودية واستقرا بمصر وافتتح مشروع لتجارة الدواجن لكنه فشل، ثم استأجروا شقة في الطالبية وظلوا فيها لمدة سنة.

خلال التحقيقات قالت زوجة همام «تنظيم أجناد مصر نفذ عمليات كتير بس أنا عرفت تفجير عند قسم الطالبية وفيه ضابط مات فيه وتفجير عند جامعة عين شمس، وأنا عرفت إن تنظيم أجناد مصر اللى نفذ العمليات دى لأن كل معلوماتى باخدها من همام لأن إحنا معندناش تليفزيون وهمام مكنش يسيبنى أخرج من الشقة نهائيا، وهمام قالى من حوالى 3 شهور تقريبا أن الجماعة عملت تفجير عند قسم الطالبية ومات فيه ضابط وبرده من 4 أو 5 شهور قال لى أن الجماعة نفذت عملية عند جامعة عين شمس، واحنا سيبنا شقة فيصل اللى فى شارع الصفا والمروة بعد 6 شهور تقريبا وتحديدا فى شهر مايو 2014، وساعتها كنا حوالى الساعة 10 صباحا وهمام كان بيجيب فطار ولقيته جى الشقة ومتعصب، وقال لى إحنا لازم نسيب الشقة دى حالا لأن بلال صبحى وآخرين كان فى واحد منهم اسمه جمال زكى اتمسكوا وبلال كان عارف الشقة اللى احنا فيها وفعلا خلال ساعتين كنا واخدين العفش وكل حاجة وروحنا شقة إيجار جديدة فى شارع المنشية فى فيصل، وهمام فضل فى الشقة تقريبا من 3 إلى 4 شهور مش بينزل غير فترات قليلة وبيرجع بسرعة علشان الشرطة متمسكهوش، وفضلنا فى الشقة دى لمدة سنة تقريبا ومحدش كان بييجى، غير واحد اسمه مالك جه مرة واحدة وده عضو فى أجناد مصر وكان جى لهمام وجايب كاميرا معاه وكان بيصور فيديو لهمام فى غرفة صناعة المتفجرات وهو بيتكلم عن ضرورة قتل ضباط الشرطة والفيديو ده نزل على شبكة الإنترنت، والفيديو ده كان همام بيقول فيه فكرة تنظيم أجناد مصر وإنه لابد قتل ضباط الشرطة وتطبيق أحكام الشريعة الإسلامية، وأنا شاهدت الفيديو ده على شبكة الإنترنت لحد ما الشرطة عرفت مكاننا».