طريقة تحضير كرات البطاطس المقلية .. عندما تطبخين لأطفالك ابتسمي

في الميزان الأكل مختلف حتى البطاطس ، سوف نقدم وصفات طعام مثل الوصفات المعتادة، الأهم هو تنفيذها.

 :النصيحة

الأطفال بيحسوا باللي جوانا، أوعي تطبخي لهم وأنت زعلانة مش حيحبوا الأكل

يعني متبقاش دي حالتك وجوزك ولا الشغل مخليكي تطلعي من هدومك واتطبخي، دليفري يا اختي دليفري، أو قضوها تونة، يلا على الطبخة

كرات البطاطس المقلية

ولادك حيحبوها قوي، جربي على ضمانتي

المقادير

100 جرام جبنة بارميزان

1 ½ كوب زيت عباد شمس

1 كوب لحمة مفرومة

1 معلقة صغيرة ملح (أو حسب الرغبة)

1 بيضة (طازجة)

1 كوب بقسماط مطحون

½ معلقة صغيرة فلفل اسود مطحون (أو حسب الرغبة)

½ كيلو بطاطس (مهروسة ناعم)

الأدوات المستخدمة

طاسة غويطة

وعاء زجاجي كبير

معلقة قلي

طريقة التحضير

– عجن البطاطس مع ملح و فلفل.

إقرأ أيضا

5 طرق للتخلص من انتفاخ البطن في رمضان

– نأخذ كمية مناسبة من البطاطس و ضعيها في يدك و اعمليها على هيئة كورة ثم اخرميها من المنتصف و ضعي كمية من العصاج و الجبنة ثم كوريها و كرري ذلك فى باقي الكمية.

– ضعى الكور فى البيض ثم البقسماط.

– ضعي اناء به زيت غزير علي النار حتي يسخن ثم ضعي كرات البطاطس حتي يصبح لونها ذهبي.

– رصي الكور فى طبق التقديم و تجمل بحلقات الطماطم و البقدونس.

وتصلح هذه المقادير لأربعة أطفال فقط أو شحطين كبار أنت وجوزك يعني

صحتين على قلوبكم وقلوب اللي بتحبوه

إقرأ أيضاً

ومن المعلومات عن البطاطس

• السعرات الحرارية: 161
• الدهون: 0.2 جرام
• البروتين: 4.3 جرام
• الكربوهيدرات: 36.6 جرام
• الألياف: 3.8 جرام
• فيتامين ج: 28% من الكمية الموصى بها يومياً
• فيتامين ب 6: 27% من الكمية الموصى بها يومياً
• البوتاسيوم: 26% من الكمية الموصى بها يومياً
• المنغنيز: 19% من الكمية الموصى بها يومياً
• المغنيسيوم: 12% من الكمية الموصى بها يومياً
• الفوسفور: 12% من الكمية الموصى بها يومياً
• النياسين: 12% من الكمية الموصى بها يومياً
• الفولات: 12% من الكمية الموصى بها يومياً