653 مشاهدة
“فيديو الكلام الحقيقي” حول مشهد السيسي وعباس كامل في الاختيار 3 عن كرامة المقاتل
شهدت الحلقة الثانية من مسلسل الاختيار 3 مشهدًا جمع بين الفنان ياسر جلال في شخصية الرئيس عبدالفتاح السيسي «وقت أن كان وزيرًا للدفاع» والفنان جمال سليمان في شخصية اللواء عباس كامل «وقت أن كان مديرًا لمكتب وزير الدفاع».
المشهد الذي في المسلسل
حمل المشهد جملاً حوارية حول كرامة المقاتل المصري، وأن ثقافة العسكريين خلال السنة ونصف (2011 و 2012) تغيرت بسبب البقاء في الشارع، وأن المقاتل الذي يكون بلا كرامة لا يمكن له أن يقاتل.
السيسي: الأهم من الإمكانيات يا عباس، هي الروح .. الروح المعنوية عند الظباط والجنود
عباس كامل: دا أكيد .. بس الفترة اللي فاتت كان ليها تأثير سلبي عليهم
السيسي : دا طبيعي .. بقالهم سنة ونص في الشارع .. خدوا معاهم حاجات وهم جايين هتتصفى بالراحة .. عايزهم يصفوها مع بعض بالراحة .. كمان طريقة المعاملة لازم تكون في منتهى الاحترام والحب .. إحنا عندنا القدرة في القوات المسلحة إننا نخدم ظباطنا وصف ظباطنا وعساكرنا بجد، ونخلي صورتهم قدام الناس عشرة على عشرة .. اللي بكسر نفسه وبهينه يا عباس .. عمره أبدًا ما هيبقى مقاتل .. لازم نخليه يحس بالفخر إنه جندي في الجيش المصري.
ما قاله السيسي في الحقيقة
تاريخيًا فإن الحوار الذي قيل في المشهد، قاله الرئيس عبدالفتاح السيسي وقت أن كان وزيرًا للدفاع خلال اجتماعه مع ضباط وضباط صف القوات المسلحة في الجيش الثاني الميداني خلال شهر سبتمبر عام 2012 م وكان كلام السيسي في الحقيقة أقسى مما جاء في المشهد.
فمن ضمن قاله «انتو بقالكم سنة ونص في الشارع .. خدتوا معاكم حاجات كتير وانتو جايين .. صفوها بالراحة .. صفوها مع بعض بالراحة .. انت نازل عشان تسهل لأخوك .. مش عشان تسيء إليه أو تهينه .. مش مقبول ومش هيكون مقبول .. إحنا عندنا إمكانيات نخلي ظباطنا وعساكرنا عشرة على عشرة .. لو هوقف الشرطة خالص عشان أصلح دا .. هوقف الشرطة».
وتابع كلامه «اللي بكسر نفسه وبهينه عمره ما هيبقى مقاتل .. فإحنا لا عايزين كسر نفس ولا عايزين إهانة ولا عايزين إساءة»
واختتم كلامه حينها قائلاً «فيه إيه ؟ مش قادرين تسعوا بعضكم .. ليه تتلفظ بألفاظ مش مقبولة ؟ .. أنا عايز أقلك .. المرة اللي فاتت أنا اتكلمت بأدب وباحترام مع كل الناس .. أنا لن أسمح بكدة .. لن أسمح بالإساءة من أي حد لأي حد .. متسقفشي .. انتبه»
الكاتب
ما هو انطباعك؟
