203 مشاهدة
مجددًا.. أسعار الساحل الشمالي في مرمى الانتقادات
في كل عام وتحديدًا في فصل الصيف تتجدد الشكاوي وتعاود موجة الاستنكار من أسعار الساحل الشمالي الباهظة والمبالغ فيها، فقد أصبحت محل نقد حتى للفئات التي قد نعتبرها من الطبقات فوق المتوسطة، والتي بمنظور ورؤية الجميع قادرة بسهولة على تفادي مشكلة ارتفاع الأسعار فالأمر لم يفرق معهم مقارنة بالفئات المتوسطة والأقل منها.
والمعروف وما يردده البعض أن الساحل الشمالي بات “قبلة” للأثرياء والمرفهين ماديًا فقط حتى أن المصيفين أطلقوا عليه اسم “الساحل الشرير” والذي يقتصر على الأماكن والقرى السياحية التي تتسم بمظاهر الغلاء الفاحش ويتوافد إليه أكثر الطبقات ثراءًا.
فيما أطلق المصيفون على القرى القديمة بالساحل التي يذهب إليها الكثير من العائلات من الطبقة المتوسطة وما أدناها اسم “الساحل الطيب”.
شكوى جوري بكر من أسعار الساحل الشمالي
وكانت آخر شكوى تعالت أصواتها عبر مواقع التواصل الاجتماعي لأيام من الفنانة جوري بكر التي ظهرت في فيديو لها عبر موقع تبادل الصور والفيديوهات “انستجرام” تشتكي فيه من الأسعار الباهظة لبعض المشتريات في الساحل الشمالي، في حديث جاء ملخصه: “أنا بكره الساحل أو الأصح اللي بيحصل في الساحل.. وأنا متضايقة من اللي بيحصل في الساحل، ولولا أن جوزي بيحب يروح هناك مكنتش جيت.. في قلة أدب في الأسعار.. فيه ناس ممكن تقولي ايه اللي وداكي بس أنا مضطرة.. وأنا الحمد لله راضية بس إيه الأسعار دي”.
أضافت: “أنا أي مكان هدخله مش هيعجبني أسعاره هفضحه على السوشيال ميديا، لأن إنتوا حرفيًا بتسرقوا الناس عشان يومين تلاتة جايين ينبسطوا فيهم ف يالا تعالى أستغلك وأطلع كل الفلوس اللي في جيبك.. يعني إيه عيل صغير يروح يجيب إزازة ماية بـ 200 جنيه هي مياه من الجنة”.
وذكرت في حديث آخر لها: “بنتعب عشان نجيب فلوس، والناس اللي مفكرة أننا بناخد ملايين، أنا أدفع براحتي لكن ليه أحس إني بتسرق، واللي بتنقدني وبتقول إيه يا فنانة ما تدفعي ولو معكيش متروحيش، لأ مش هدفع أنا إزازة مياه بالسعر ده ولا ساندويتش برجر بـ 375 جنيها ولا قهوة وعلى فكره دي مش مياه بس ده أكل وشرب ولبس ارحموا من في الأرض يرحمكم من في السماء.. فين حماية المستهلك في أسعار بعض الأماكن اللي في الساحل، الناس نفسها تنبسط”.
نهاد أبو القمصان تنتقد الشكاوي المتكررة من أسعار الساحل الشمالي
وعادت السخرية من أسعار الساحل الشمالي مرة أخرى على لسان نهاد أبو القمصان المحامية والناشطة الحقوقية ولكنها اختلفت مع الباقي في أنها اعتبرت أن الساحل الشمالي من حق الأغنياء فقط فأرتفاع الأسعار المبالغ فيه يلائم طبقاتهم الاجتماعية.
جاء ذلك خلال تصريحاتها في فيديو نشرته عبر موقع “تيك توك” قائله فيه: “إمبارح أصحابي عزموني على مكان بالساحل جميلة جدًا وزحمة جدًا، وبصيت على منيو المكان لقيت الشاي بـ 150 جنيه، والصراحة كنت عاوزة شاي بـ لبن فخوفت إن سعره يوصل لـ 1500 جنيه وقعدت أشرب الشاي وأنا بعيط”.
@nehadabolkomsan فى الساحل الشرير كوباية الشاى ب ١٥٠ جنية😁😁 #حكايات_نهاد #نهاد_أبوالقمصان #الساحل_الشمالي #الساحل_الطيب_و_الساحل_الشرير #ترند_تيك_توك ♬ original sound – Nehad Abolkomsan
وانتقدن نهاد أبو القمصان شكاوي الناس المتكررة من أسعار الساحل الشمالي: “ في ناس بتشتكي من أسعار الساحل الشمالي.. أنا مابحبش الناس الشاكية الباكية يعني أنا رايحة أروق دماغي وعايشة في دور أن أنا من الأغنياء.. أنا هروح أعمل نفسي من الأغنيا يوم هتهور وبعدين أتعور وبعدين أعيط.. ما يجراش حاجة والناس ماتقعدش تقول إيد ده الماية بـ 200 جنيه.. حابيبي أنتو عندكوا مشكلة ماترحوش”.
أضافت: “أنا بكرة الناس اللي بتشتيكي.. أنتو جايين علشان تنبسطوا وتعملوا فيها أغنيا خلاص بقى.. يعني كملوا الدور للأخر يا حبايبي.. واللي مش عاجبوا عندوا الساحل الطيب”.
اقرأ أيضًا..
حفلات الساحل الشمالي أسعارها أغلى من أسعار حفلات النجوم في الولايات المتحدة الأمريكية وأوروبا
الكاتب
ما هو انطباعك؟
